REVIT for Structure – Fundamentals
Informacione rreth trajnimit
- Kohëzgjatja e trajnimit: 32 orë
- Çmimi i trajnimit: 245€ me TVSH (Për studentë 196€)
- Secili kandidat që ndjek një trajnim si të dytë, tretë, etj… përfiton 10% ekstra zbritje!
- Mundësia e pagesës edhe me këste përmes TEB dhe RBKO.
Objektivi i trajnimit Revit for Structure Fundamentals
Objektivi i trajnimit Revit for Structure Fundamentals është që t’i aftësoj studentët në përdorimin e njërit nga softuerët më të fuqishëm që e përkrahë teknologjinë BIM (Building Information Modeling), si dhe aplikimin e saj në përditshmërinë profesionale.
Me anë të këtij softueri mund të modelohet struktura si tërësi në 3D, duke mundësuar kështu që në mënyrë shumë të lehtë të mund të prodhohen baza, prerje dhe detaje të strukturës me dukje të personalizuar ashtu siç është e nevojshme në projektin ndërtimor.
Me anë të krijimit të pamjeve nga modeli qendror 3D, ndryshimet e bëra azhurnohen në të gjitha pamjet, si dhe shënimet e elementeve strukturore dhe tabelat përditësohen. Duke e modeluar strukturën me anë të disciplinës Structure të Revit krijohet njëkohësisht modeli analitik i strukturës, i cili më pas mund të eksportohet në softuerë të tjerë për analizë strukturore siç është Robot Structural Analysis Professional dhe rezultatet e fituara nga analiza strukturore mund të importohen përsëri nê Revit për detajizim.
Ky trajnim fokusohet në të kuptuarit e mënyrës së punës së Revit dhe përdorimin e veglave bazike për modelimin e strukturës dhe krijimin e tabelave me të dhënat nga struktura, të gjitha këto vegla të përqëndruara në pjesën për elemente strukturore të Revit.
Synimi final është aftësimi i studentëve për përdorimin në mënyrë sa më efiçiente dhe efektive të Revit në projektet inxhinjerike, duke përfshirë planet e ekzekutimit, armimit; si dhe tabela të sasive të betonit, armaturës dhe materialeve të tjera të ndërtimit.
Përfitimet nga trajnimi
Në përgjithësi, ky trajnim do të ju mundësoj pjesëmarrësve që të fitojnë njohuri bazike në këtë softuer shumë të sofistikuar dhe njëkohësisht t’i zgjeroj horizontet e njohurive paraprake tek përdoruesit e mëhershëm të Revit.
Pas përfundimit të trajnimit kandidati merr certifikatën zyrtare të Autodesk Certificate of Completion, e cila mban Numrin Serik Unik për secilin pjesëmarrës dhe regjistrohet në Databazën e Autodesk.
Gjithashtu të gjithë pjesëmarrësve në trajnim do të ju ofrohet edhe asistencë në pyetjet deri në 3 muaj pas përfundimit të trajnimit.
permbajtja e trajnimit
Curriculum
-
Njohja me konceptin BIM dhe qasja me User Interface te Software Autodesk Revit
-
Nisja e një projekti, insertimi i niveleve dhe akseve, importimi dhe lidhja me AutoCAD
-
Modelimi dhe editimi i themeleve (pllakë, plint dhe tra themeli)
-
Modelimi dhe editimi i kolonave dhe mureve (struktura vertikale prej betoni /metalike)
-
Modelimi dhe editimi i trareve në lartësi (struktura horizontale prej betoni/metalike) dhe tiranteve metalike
-
Modelimi dhe editimi i soletave (strukturë horizontale prej betoni/metalike)
-
Modelimi dhe editimi i shkallëve dhe rampave
-
Detajimi, dimensionimi, kuotimi dhe etiketimi elementeve
-
Krijimi dhe editimi i tabelave me sasitë e materialeve të hedhura në projekt, eksportimi i të dhënave në Excel dhe AutoCAD
-
Krijimi dhe editimi i fletëve të projektit, i revizioneve dhe konfigurimi i opsioneve të printimit
-
Modelimi dhe editimi i armimit të themeleve b/a
-
Modelimi dhe editimi i armimit të trareve, kolonave b/a
-
Modelimi dhe editimi i armimit të një strukture me shufra komplekse (si shkalla apo mure mbajtës)
-
Projektimi i Rrjetit të Gypave Copy
-
Dimensionimi dhe etiketimi i shufrave dhe stafave, krijimi i tabelave të sasisë së hekurit
-
Modelimi dhe editimi i lidhjeve të nyjeve të një strukture metalike (pllaka rigjidimi, bulona)
-
Krijimi i workspace-ve për rikonstruksione
-
Teknika bazë të koordinimit të disiplinave të ndryshme (MEP, Structural, Architectural)
-
Eksportimi në IFC dhe lidhja me Software të tjerë struktural.
Instruktorë
Gent Elshani
Autodesk Revit for Structure Certified Professional Gent Elshani ka përfunduar studimet në Universitetin e Prishtinës “Hasan Prishtina”, në kuadër të departamentit të Ndërtimtarisë, dega Konstruktiv. Genti ka një përvojë disavjeçare në fushën e inxhinierisë së ndërtimit, posaçërisht në fazën projektimit dhe detajizimit të strukturave. Ai është certifikuar në mesin e vitit 2021 në njërin nga softuerët më të fuqishëm BIM – Revit, duke marrë kredencialet ACP dhe që nga atëherë është pjesë e qendrës trajnuese IT&CAD. Aktualisht mban trajnimet në IT&CAD Training Center, që është e para Autodesk Authorized Training Center (AATC) e pavarur në Kosovë.
